لباس عروس

لباس عروس تی تن تو کنی سما
تی دور ره بیتنه تنی رفیقا
گل بزه ماشین ره تو وونی سوار
یواش رد وونی از می چشی کنار
بوین می روزگار حال دل پر عذابه
هر شو ویمه خویی دله شی کوتری سراب ره
دل ره هاکردی داغون
چشم ره هاکردی پر خون
چشی دله اشی وی، تی دتا چشی قربون
ای بی وفا دلبر من دلبر من
لباس عروس چنی ایارنه تی رو
چنی قشنگ بوه می نفس امشو
چی نقشه هایی کشیمی من و تو
همه ره پر هدایی چشی جلئ
اسا بره اسا بره حال من ره بوین تو
دلی غصه دار من ره بوین تو
تی خاطری دشت و کوه پرسه زمه
خسته روزگار من ره بوین تو
امشو می آسمون بی شب و تاره
غریبه کشه بزویه می یار ره
میسه تش گیته وی می دستی سول سیگار ره
اسا تش هدایی می روزگار ره
نخومه گلی بییته
می دلی پهلی بییته
می یار روونه بویه و می چشی اسری بییته
دستی سیگار دی بییته
عرقی مستی بییته
غریبه ونی نفسه؛ بیمو دو دستی بییته